أنواع الطوب وكيفية استلام وحصر أعمال المباني

الهندسه الكهربيه

قسم الهندسه الكهربيه مجال شغله واسع زي ميكانيكا ومواضيع الدراسه بتاعتها في أي حاجه تختص بالكهرباء وشوية قليلة كدا من الكترونيات .. بس خد بالك انت لو مش فاهم كهربيه من إعدادي وكانت تقيله علي قلبك يبقي تبعد عن القسم ده خالص(دا لمصلحتك انت والله لو إن شاء الله دخلت القسم واتخرجت هيكون مجال عملك في الشركات الهندسيه كهمندس كهرباء.

طب نتكلم علميا بقا عن الهندسه الكهربيه
بتهتم بدراسة وتطبيقات علوم الكهرباء والمجالات الكهرومغناطيسية وممكن برده تشمل هندسة الإلكترونيات وممكن لاء وفي فرق بين الإتنين لأن هندسة الكهرباء بتهتم بالأمور المتعلقة بنظم الكهرباء عالية الجهد مثل نقل الطاقة والتحكم في المحركات، بينما تتعامل هندسة الإلكترونيات مع دراسة النظم الإلكترونية ذات المقاييس المنخفضة (تيار منخفض –جهد منخفض)، ويتضمن ذلك علوم الحاسبات والدوائر المتكاملة.

الهندسه الكهربيه بتشمل برده دراسة وتصميم النظم الكهربائية والإلكترونية مثل الدوائر الكهربائية والمولدات، المحركات، المحولات، مولد القدرة الغير منقطعة UPS ، المواد المغناطيسية وغيرها من الأجهزة الكهرومغناطيسية والكهروميكانيكية.

ومن أشهر علماء الهندسه الكهربيه(مايكل فاراداي،توماس أديسون،نيكولا تسلا)

تخصصات هندسة الكهرباء
#هندسة_الطاقة:

نقل وتحويل الطاقة الكهربائية عن طريق تصميم أجهزة كالمحولات والمولدات والمحركات الكهربائية.

#هندسة_المحركات:

تحويل الطاقة الكهربائية بواسطة آلات كهربائية (محركات كهربائية) إلى طاقة ميكانيكية.
#هندسة_الاتصالات:

(هتكلم عنه كقسم خاص لوحده لكن مبدئيا هو:)نقل المعلومات عن طريق النبضات الكهربية أو الموجات الكهرومغناطيسية من المرسل إلى مستقبل واحد أو عدة مستقبلين.
#هندسة_الإلكترونيات:

(احتمال أتكلم عنه كقسم لوحده) وهو تطوير وتصنيع واستخدامات المكونات الالكترونية مثل مكثف، مستحث وعناصر اشباه الموصلات كالصمام الثنائي والترانزيستور.
#هندسة_الحاسوب:

(هتكلم عنه كقسم مستقل لوحده) الكلام فيه كتير
#هندسة_التحكم_الآلي_والأتمتة_الصناعية:

توظيف تقنيات التحكم والقياس والتقنية الرقمية لتحويل خطوات العمل اليدوية إلى ذاتية التحكم والتحكم بحرارة الثلاجات المنزلية، ومراقبة العمليات الصناعية.
#الهندسة_الكهربائية_النظرية:

ايصال القواعد النظرية والاوصاف والشروحات الفيزيائية المستفادة من علم الكهرباء. وتنقسم إلى عدة أقسام منها نظرية الفيض لنقاش معادلات ماكسويل ونظرية الدوائر لتحليل الدوائر.
#هندسة_الإشارة:

هي مجال تحليل وتغيير الإشارات ومعالجة الإشارات يتطلب مهارات رياضية عالية. معالجة الإشارات لها تطبيقات عديدة في مختلف المجالات مثل #الهندسة_الطبية, #هندسة_الأصوات,#الرادارات, #هندسة_الاتصالات.

ولو انت وصلت لأخر البوست ده والكلام ده كله كان عادي بالنسبالك فانت هتكون كويس في القسم ده ومتنساش تعمل شير عشان زمايلك هما كمان يعرفوا أكتر