القائمة الرئيسية

الصفحات

أقسام كلية الهندسه:هندسة ميكانيكا قوي-هندسة ميكانيكا سيارات

هندسة ميكانيكا قوي-هندسة ميكانيكا سيارات


ميكانيكا قوي:
هي مزيج من ميكانيكا علي كهربا والمواد بتاعة القسم هيا نفس المواد بتاعة ميكانيكا وكهربا وكمان مجال شغله كويس(راجع بوست قسم #ميكانيكا و #كهربا)

مجال العمل لخريجين قسم #ميكانيكا #باور بعد التخرج
1-#محطات_توليد_الكهرباء:
ودي من اهم المجالات الي ممكن تسمع عنها في القسم ده بس خد بالك ميكانيكا باور يعني #توليد_الكهرباء أما #كهربا_باور يعني #نقل و #توزيع الكهرباء
2-#التكييف و #التبريد:
يعني #الفلوس ولو قدرت تثبت نفسك في المجال ده الشركات هتجري وراك في مصر وبره مصر خصوصا في الخليج.

ميكانيكا سيارات

3-#السيارات:
في في كليات قسم #هندسة_سيارات بيكون لوحده وعدد المهندسين الي بيتخرجوا من القسم ده كل سنه هما 300 مهندس وهو قسم صعب شوية وتقريبا مفيش بنات بتدخل القسم ده(لو حد يعرف بنات دخلته يبقي يعرفنا) والمواد الي في قسم سيارات كلها مواد صيانه ومحركات الإحتراق وفيزياء(بس في إشاعات بسمعها إن الامتحانات فيها أسهل من #ميكانيكا)

نتكلم شويه بقا عن مجال السيارات في ميكانكا باور ممكن نزود عليه محركات الطائرات والسفن والمعدات الثقيله زي الحفارات واللوادر والأوناش.

4- #البترول_والغاز_الطبيعى
كلية #بترول_وتعدين موجوده ككلية لوحدها في #السويس بس احتياجات العمل هنا الي بتفرض نفسها وبتاع ميكانيكا باور ممكن يشتغل في الطلمبات والحفارات وعمل الشبكات...الخ

5-محطات #تحلية_المياة و #محطات_الرفع بجانب المشروعات #الزراعية الكبيرة
المحطات دي بتستخدم الطلبمات فيها كعنصر أساسي يعني ميكانيكا باور لازم يكون موجود.

6-#مكافحة_الحرايق
في أي مشروع كبير لازم المجال ده يكون موجود علشان يقدر يحافظ علي المشروع من أي خسارة بسبب الحرائق وده بيعتمد علي شبكة مواسير وأجهزة تحكم بتشتغل عند حالات الخطر بس.

7-#الصيانة والعمل فى المصانع الانتاجيه
مفيش مصنع مفيهوش مهندس ميكانيكا باور والمهندس طبعا يهمه ان الماكينات تطلع أفضل انتاجيه وفي نفس الوقت يحافظ عليها بالصيانه الدوريه.

*نصيحه:
أنا عاوزك تاخد بالك كويس أووي لو انت قررت تدخل ميكانيكا باور .. لازم تبقي عارف انت عاوز ايه بالضبط من الحاجات دي لان انت بتتخرج معاك بكالريوس ميكانيكا باور(دا الي بيتكتب في الشهاده)مش بيتكتب في ايه بالضبط ..بيتكتب بس المشروع الي انت اختارته في أخر سنه.

كله يعمل شير عشان زمايلك هما كمان يعرفوا أكتر
author-img
مهندس مصري أتابع أخبار الشبكات الاجتماعيه وكل ما له علاقه بمصر والعالم العربي وأسعي لتكوين مرجع هندسي شامل لكل عربي. يمكنك متابعتي من خلال: Youtube&Facebook @MohamedOthmanENG

تعليقات