مصطلحات هتسمعها لما تدخل كلية هندسه
- شيت: دا الواجب الي بتحله في البيت وتسلمه للمعيد وبيكون عليه درجات
- late:لما تسلم الشيت متأخر وتنقص عليه درجات ليت
- كويز:دا بيكون سؤال مفاجئ بيتعمل في السكشن أو المحاضره بيكون عليه خمس درجات(بتلاقي المعيد فجأه يقولك طلع ورقه فاضيه واكتب عليها اسمك)
- أعمال السنه:ودي حاجه مهمه جدا وهي عباره عن درجات الشيتات+الكويزات+الميد تيرم+اللوح
- بالنسبه للوح فانت بيكون مطلوب منك كل أسبوع لوحه ترسمها في سكشن الرسم وواحده كمان بترسمها في البيت
- أرسطو:دا مثلث حلو كدا ومفيش طالب في هندسه الا ولازم يعشقه
- ماينص:يعني سالب ودي لما تعمل حاجه غلط أو ضايقت المعيد ولا حاجه بينقصك درجات
- بونص:دي بقا عكس الماينص ودي بتاخدها لما تعجب المعيد أو بتجاوب معاه ديما
- دبلره:ودي حاجه وحشه ربنا يبعدكوا عنها ودي بتحصل لما تشيل 3 مواد وبتعيد السنه
تعليقات
إرسال تعليق
تـعـلـيـقـك يـهـمـنـا