أنواع الطوب وكيفية استلام وحصر أعمال المباني

الهندسه الميكانيكيه

أصعب أقسام هندسه لكن لو حبيته هيحبك وهيكون سهل وهو من أفضل الأقسام علي الإطلاق ونطاق شغله في الخارج واسع جدًا ومرتباته عالية جدًا جدًا والقسم بيتقسم لانتاج و صناعيه و ميكاترونيك.

والهندسه الميكانيكيه فرع من فروع الهندسة اللي بيهتم بالتصميم والتطوير، وبالتصنيع، وبالتركيب، وتشغيل المحركات، والآلات، وعمليات التصنيع. ومهتمة بشكل خاص بالقوى والحركة،ودراسة الطاقة بكافة صورها وتأثيرها على الأجسام. وهو تخصص واسع له علاقة بكل مجالات الحياة وبتتعلق مثلا بصناعات الفضاء، والطيران، وبالإنتاج، وتحويل الطاقة، وميكانيكا الأبنية، والنقل، وتكنولوجيا تكييف الهواء والتبريد.
وبيتم دراسة الرياضيات, الفيزياء بمختلف انواعها مثل فيزياء السوائل, علم المواد, و بعض لغات البرمجة ومن العلوم الأساسيه لمهندس ميكانيكا هي(الديناميكا،الاستاتيكا،ميكانيكا المواد،انتقال الحرارة،ميكانيكا الموائع،الديناميكا الحرارية،تكنولوجيا الغازات المنضغطة،التدفئة والتهوية وتكييف الهواء،ميكاترونيات،نظرية التحكم،تكنولوجيا التصنيع،التصميم بمساعدة الحاسوب،ميكانيكا المحركات والمركبات"الآلات"،التصميم الميكانيكي،التصنيع بمساعدة الحاسوب)

ميكانيكا انتاج

مش أي حد بيشتغل في المجال ده والي شغال فيه مرتباته عاليه جدًا جدًا للي متخرج فاهم ويقدر يبقي استشاري كمان في المجال ده في 7 سنين بس .. ولو هتختار قسم إنتاج لازم تبقي عارف انه صعب جدًا ولو مكنتش راجل ووقفت وقفة راجل فيه هتشيل سنتين ولا تلاته.

والدراسه فيه بقا بتبقي عامله ازي .. فاكر مادة الانتاج والورش الي خدها في اعدادي وكنت فرحان بيوم الورشه وانت لابس البالطو الأزرق وفاكر التمساحه والمكشطه النطاحه .. أهوه كل باب خده هتلاقيه ماده لوحده.
ومجال العمل فيها بيكون في المصانع والورش الصناعيه الكبيره وكمان في مجالات تأكيد الجوده ... والقسم ده في اليابان اسمه هندسه الدقه .. وفي أمريكا اسمه هندسة التنصيع.
مجالات هندسة الإنتاج(التشكيل،التشغيل،اللحام،القياسات،الجوده،التكاليف الهندسه،نظم وإدارة الانتاج)
كله يعمل شير عشان زمايلك هما كمان يعرفوا أكتر